Nov.19, 2015
Gov. Sol F. Matugas mibisita sa Brgy. Mahanub sa lungsod sa Gigaquit niadtong Nov. 19,2015 uban nila Cong. Matugas, Atty Lucille Sering ,Vice Gov. Egay, BM Galanida, Ug sa Team Capitol.
Nagpasalamat ug dako si Punong Brgy. Abundio Amarille sa panahon nga gigahin sa gobernador ug ilabina ang proyekto nga road concreting sa Brgy. Mahanub kantidad ug 10 Million. Ubay ubay ang mga hangyo ang giaprobahan sa gobernador kalabot na ang pagsemento sa pathway sa Mahanub, Elem. School, pagtukod ug Mahanub Women Center, Improvements sa DayCare Center, mga kahimanan sa Health Center ug uban.
Dako ang kalipay sa mga senior citizen ug mga kababainhan sa Brgy. Mahanub sa pagbisita sa gobernador ug gihatagn pa sila ug sayo nga pinaskuhan ni Gov. Sol sa tag 10,000.
Pagkatapos sa pagpakighimamata ni Gov. Sol sa mga katawhan sa Brgy. Mahanub, mitungas ang gobernador sa halayong bukid sa Mahanub nga mao ang Sitio Palilihan aron gayod makita ug masinati sa gobernador sa personal ang mga igsoong mamanwa nga nanimuyo sa maong bukid dala sa gobernador ang serbisyo sa panambay para sa mga mamanwa ug ang pag apod apod ug mga foodpacks.
Nagpasalamat ug dako ang mga lediris sa tribomg mamanwa kay sukad sa ilang kinabuhi mao pa sila bisitahi ug gobernador nga nagpakabana kanila ug sila nakapadayag sa ilang mga yangungo sama sa ilang mga kapuy an, tribal hall, health center ug uban pa ug kini gipamatian sa gobernador.
Sa samang higayon sa gipahigayon ang Panambay sa Brgy. sa Brgy. Campo sa lungsod sa Bacuag ug ang pag apod apod sa mga foodpacks sa mga lumulupyo sa maong lugar.
- Roberto Parada
